Printfriendly

www.Padasalai.Net

www.Padasalai.Net

Menu (Please wait for Full Loading)

ATM களில் இருந்து ஒரே நாளில் ₹24 ஆயிரம் எடுக்கலாம் - விரைவில் அறிவிப்பு வெளியாகிறது

ATM களில் ₹24 ஆயிரம் எடுக்கலாம் என்ற அறிவிப்பை மத்திய அரசு விரைவில் வெளியிடும் என தகவல்கள் தெரிவிக்கின்றன.

 அதே சமயம், வாரத்துக்கு ₹24 ஆயிரம் வரை மட்டுமே எடுக்க முடியும் என்ற நிபந்தனை பிப்ரவரி மாத இறுதிவரை மாற்றப்படாது என்றும் மத்திய அரசு வட்டாரங்கள் தெரிவிக்கின்றன.
 நாட்டில் கருப்பு பணம், கள்ள நோட்டுகளை ஒழிக்கும் வகையில், ₹500, ₹1000 நோட்டுகளை செல்லாது என பிரதமர் நரேந்திர மோடி கடந்த நவம்பர் 8-ந்தேதி அறிவித்தார்.
 அதைத் தொடர்ந்து மக்கள் வங்கிகள், ATM களில் இருந்து பணம் எடுக்க பல கட்டுப்பாடுகளை அரசு விதித்தது.
 நாள் ஒன்றுக்கு ATM களில் இருந்து ஒரு கார்டுக்கு ₹
2 ஆயிரம் மட்டுமே என்றும், வாரத்துக்கு ₹ 24 ஆயிரம் வரை வங்கியில் எடுக்கலாம் என்ற முதலில் கட்டுப்பாடு இருந்தது.
 பின், 50 நாட்கள் முடிவுக்கு பின், அதாவது டிசம்பர் 30-ந்தேதிக்கு விதிமுறைகள் படிப்படியாக தளர்த்தப்பட்டு, ஒரு நாளில் ₹4,500 ஆகவும், அதன்பின் நாள் ஒன்றுக்கு ஒரு ATM கார்டு மூலம் ₹ 10 ஆயிரம் வரை எடுக்கலாம் என அனுமதிக்கப்பட்டது.
 இந்நிலையில், பணப்புழக்கத்தை படிப்படியாக அதிகரிக்கும் நோக்கில் ரிசர்வ் வங்கி பல நடவடிக்கைகளை தீவிரமாக எடுத்து வருகிறது.
 வங்கிகளுக்கு தேவையான பணத்தையும், ATM களுக்கு தேவையான பணத்தையும் போதுமான அளவில் அளித்து வருகிறது.
 ஆதலால், இப்போது, நாள் ஒன்றுக்கு ஒரு ATM கார்டு மூலம் ஒரு நாளில் அதிகபட்சமாக ₹10 ஆயிரம் மட்டுமே எடுக்க அனுமதிக்கப்படுகிறது.
 வாரத்துக்கு இது போல் எடுத்தால், 3 முறை, ₹24 ஆயிரம் வரை மட்டுமே எடுக்கலாம்.
 இந்த நிலையை மாற்றி, ATM களில் இருந்து ஒரு ATM கார்டு மூலம் ஒரே நாளில் ₹ 24 ஆயிரம் வரை எடுப்பதற்கான அறிவிப்பை மிக விரைவில் மத்திய அரசு வெளியிடும் என மத்திய அரசு வட்டாரங்கள் தெரிவிக்கின்றன.
 ஆனால், வாரத்துக்கு அதிகபட்சமாக ₹ 24 ஆயிரம் என்ற கட்டுப்பாடு இப்போதுள்ள நிலையில் நீக்கப்படாது என்றே தெரிகிறது.

No comments:

Post a Comment

Dear Reader,

Enter Your Comments Here...

Follow by Email

 

Tamil Writer

Blogger news

Blogroll

Total Pageviews

Most Reading