Hi Teachers!

Kindly Send Your Study Materials & Model Questions to Our Email ID - padasalai.net@gmail.com

விழிப்புணர்வுபதிவு...

சிறார் கவிதை...

கடைத்தெருவில் பனங்கிழங்கு கட்டு கட்டாய்க் கிடக்குது - அதுகண்டவுடன் வாங்கச் சொல்லிக் கையைப் பிடித்து இழுக்குது.

காண்பதற்குச் சின்னக் கைத்தடி போல் இருக்குது - தங்கக்கம்பிகள் போல் வேர்கள் தலையில் எட்டிப் பார்த்து சிரிக்குது.

வாழைப்பட்டைச் சருகு போன்ற தோலுக்குள்ளே இருப்பது - உடல் வழுவழுப்பாய்ப் பளபளக்கும் #பளிங்கு போல அமைந்தது.

பாதியாகப் பிளக்கும்போது நாரை வாயைப் போன்றது - உட்பகுதியில்கால் நீட்டிக் குட்டிப் பனைமரமே தூங்குது.

#சர்க்கரை_நோய்க்காரருக்கு சத்துணவாய் இருப்பது - நன்கு சப்புக்கொட்டித் தின்பதற்கும் நல்ல சுவை உடையது.

சங்கடங்கள் ஏற்படுத்தும் #மலச்சிக்கலைத் தடுப்பது - நார்ச்சத்து இதனை விடவும் எதில் மிகுதியாகக் கிடைக்குது?

நீரிலிட்டு வேகவைத்து நெஞ்சம் மகிழ உண்ணலாம் - தணல் நெருப்பில் கூட சுட்டு எடுத்து நினைத்தபோது உண்ணலாம்.

வேகவைத்த கிழங்கை உதிர்த்துப் பாசிப்பருப்பும், வெல்லமும் - தேங்காயும் துருவித் தூவி ருசித்து சுவையில் உலகை மறக்கலாம்.

பனங்கிழங்கின் மாவைக்கூடப் பல வகையில் சமைக்கலாம் - அதில் பனை வெல்லத்தைக் கலந்து அடையும், தோசைகளும் வார்க்கலாம்.

பலவிதமாய் சுவை கொடுக்கும் #பனங்கிழங்கின் பயன்களை - இங்குபலரும் மறந்து வாழ்வதுதான் மிகப்பெரிய வேதனை.

வாயில் ருசித்து வயிற்றைக் கெடுக்கும் தின்பண்டங்கள் பெருகுது - நம்வாயும், வயிறும் சேர்ந்து வாழ்த்தும் பனை உணவோ மறையுது..

ஊரைக் கெடுக்கும் உணவுப் பொருட்கள் கடைகளிளெல்லாம் தொங்குது - நல்ல
உணவும், மருந்தும் ஆன பொருள் மறக்கப்பட்டுப் போகுது.

#தம்பிகளே, #தங்கைகளே சொல்லுவதைக் கேளுங்கள் - இன்றுதயங்காமல் வீட்டில் கேட்டுப் பனங்கிழங்கை வாங்குங்கள்.

#வெள்ளைக்காரன் இதனைக் கொண்டு விதவிதமாய்த் தீனிகள் - செய்துவிற்பனைக்கு நம்மிடமே அனுப்பும் முன்பே உணருங்கள்...!!!

பனையை காப்போம்...!!!

ஆரோக்கியத்தினை பெருக்குவோம்..!!!

0 Comments:

Post a Comment

Dear Reader,

Enter Your Comments Here...

Categories

Blog Archive

Total Pageviews

Recent Comments