PADASALAI.NET 10th, 11th, 12th, TNTET, TRB, TNPSC, STUDY MATERIALS, ONLINE TESTS

பாடசாலை வலைதளத்தின் செய்திகளை உடனுக்குடன் உங்கள் Telegram குழுவில் பெற - Click Here & Join - https://t.me/Padasalai_official

பள்ளி காலை வழிபாட்டுச் செயல்பாடுகள் - 24.09.21

  திருக்குறள் :

அதிகாரம்: அரசியல் 

குறள் எண்:387

இன்சொலால் ஈத்தளிக்க வல்லார்க்குத் தன்சொலால் 

தான்கண் டனைத்திவ் வுலகு. 

பொருள்: வாக்கில் இனிமையும் பிறர்க்கு வழங்கிக் காத்திடும் தன்மையும் கொண்டவர்க்கு இவ்வையகமே வசப்படும்.

பழமொழி :

A drowning man will catch at a straw

நீரில் மூழ்குபவனுக்கு துரும்பும் தெப்பமாகும்.

இரண்டொழுக்க பண்புகள் :

1. பசித்தோர் முகம் பார்த்து பகிர்ந்து உண்ண வேண்டும். 

2. பெரியாரின் மனம் பார்த்து மனம் கோணாமல் நடக்க வேண்டும்.

பொன்மொழி :

உங்கள் கால்களால் தான் நீங்கள் நிற்கின்றீர் என்பதை உறுதிப்படுத்திக் கொள்ளுங்கள் .அதுவே உங்களது அடிப்படை முன்னேற்றத்திற்கு ஆணிவேர் ஆகும். --- பரமஹம்சர்

பொது அறிவு :

1.இந்தியாவின் தூய்மையான நகரம் எது? 

இந்தூர்.

2.இந்தியப் பசுமை கட்டிடக் கழகத்திடமிருந்து "பிளாட்டினம்" தரநிலையைப் பெற்றுள்ள இரயில் நிலையம் எது? 

கோயம்புத்தூர்.


English words & meanings :

Park - to place, put or leave. I parked my car. ஒரு இடத்தில் நிறுத்துதல். 

Park - a place set aside for children to enjoy. குழந்தைகள் விளையாடும் இடம்

ஆரோக்ய வாழ்வு :

கெட்ட கொழுப்பிலிருந்து இதயத்தைப் பாதுகாக்கும் ஐந்து உணவுகள்


1)ஹோல் க்ரைன்ஸ் எனப்படும் ஓட்ஸ், தினை, பார்லி போன்றவற்றை உணவில் சேர்த்துக் கொள்ளலாம். இவற்றில் உள்ள பீட்டா குளுகன் உடலில் சேரும் கெட்ட கொழுப்பினை அழிக்ககூடிய திறன் கொண்டது. 

2)பீன்ஸ், பட்டாணி, சிவப்பு ராஜ்மா போன்ற பருப்பு வகைகள் புரதச்சத்து வாய்ந்தவை. இதயத்தை பாதிக்கும் ரத்தக் கொதிப்பு, ரத்தக் கொழுப்புக் கட்டிகள் ஆகியவற்றை குறைக்கும் தன்மை கொண்டவை. 

3)பாதாம், வால்நட், வேர்க்கடலை போன்ற நட் வகைகளையும் உணவில் சரிவிகித அளவில் சேர்த்துக்கொள்வது நன்மை பயக்கும். நல்ல கொழுப்பை உற்பத்தி செய்யும் தன்மை கொண்ட இவற்றால், இதயத்திற்கும் நலம். நார்ச்சத்து, மினரல்களையும் அதிகம் கொண்ட உணவுப்பொருட்கள் இவை.

4)பூண்டில் இருக்கும் மருத்துவகுணம் உடலின் கொழுப்பை குறைக்கும் சக்தி வாய்ந்தது என்கின்றன அறிவியல் ஆய்வுகள். பூண்டில் இருக்கும் அல்லிசின் என்னும் வேதிப்பொருள், உடலில் காணப்படும் கொழுப்புப்புரதத்தை குறைத்து, இதயத்தைக் காக்கக்கூடியது. 

5)பெரிஸ் எனப்படும் பழவகைகள் நார்ச்சத்து அதிகம் கொண்டவை. சிவப்பு ராஸ்பெரிஸ், இனிப்பு செரி, ப்ளூபெரி, ஸ்ட்ராபெரி ஆகியவை உடலின் கொழுப்பை சமநிலைப்படுத்தக்கூடியவை என்கிறது ஆய்வொன்று. ஆன்டிஆக்சிடண்ட் நிறைந்த இவற்றை டயட்டில் சேர்த்துக்கொள்வது நல்லது.

கணினி யுகம் :

F5 - Refreshes the current window. 

F6 - Switch Panes in Explorer

செப்டம்பர் 24 :

சிவந்தி ஆதித்தன் அவர்களின் பிறந்தநாள்



சிவந்தி ஆதித்தன் (Sivanthi Adithan) (செப்டம்பர் 24, 1936 - ஏப்ரல் 19, 2013) தமிழ் செய்தி நாளேடுகள் தினத்தந்தி மற்றும் மாலைமலரின் 

உரிமையாளராகவும், முதன்மை தொகுப்பாசிரியராகவும் இருந்தவர்[1]. தினத்தந்தி நிறுவனர் சி. பா. ஆதித்தனார் - கோவிந்தம்மாள் தம்பதியரின் இரண்டாவது மகன் ஆவார். கைப்பந்தாட்டத்தில் மிகுந்த முனைப்பு உடையவர். இந்திய கைப்பந்து விளையாட்டு சங்கத் தலைவராகவும் இந்திய ஒலிம்பிக் சங்கத் தலைவராகவும் பணியாற்றியவர். 2008ஆம் ஆண்டில் இவருக்கு பத்மசிறீ விருது இலக்கியம்/கல்வி பிரிவில் வழங்கப்பட்டது.

நீதிக்கதை

உழைப்பின் பயன்

ஒரு விவசாயிக்கு மூன்று மகன்கள் உள்ளனர். விவசாயிக்கு வயது அதிகமானதால் இறந்து போகும் நிலையில் இருந்தபோது, தம் பிள்ளைகள் பொறுப்பில்லாமல் இருப்பதை பற்றி கவலையாக இருந்தார். ஒரு நாள், அவர் தம் பிள்ளைகளுக்கு தன்னுடைய நிலங்களை அவர்களுக்குப் பிரித்துக்கொடுத்தார். அது மட்டுமல்லாமல், அந்த நிலங்களிலும் ஓரிடத்தில், ஓரடி ஆழத்தில் புதையல் இருப்பதாகச் சொன்னார். அதைத் தேடி எடுத்துக்கொள்ளும்படிச் சொல்லிவிட்டு இறந்து போனார். 

பிள்ளைகள் மூவரும் தந்தைக்குச் செய்ய வேண்டிய இறுதிக் காரியங்கள் அனைத்தையும் செய்தார்கள். அதன்பின், அவர் சொல்லிய புதையலை எடுப்பதற்காக நிலத்தைத் தோண்ட ஆரம்பித்தார்கள். முதலில் மூத்த மகனின் நிலம் முழுவதையும் ஒரு அடி ஆழத்துக்கு தோண்டினார்கள். புதையல் எதுவும் கிடைக்கவில்லை. 

எப்படியும் புதையலைக் கண்டுபிடித்து விட வேண்டும் என்ற வெறியில், இரண்டாவது மகனின் நிலத்தையும் தோண்டினார்கள். ஏமாற்றம்தான் மிஞ்சியது. இவ்வளவு தூரம் வந்தபின் எப்படி விட முடியும் என்று கடைசி மகனின் நிலத்தையும் தோண்டினார்கள். மறுபடியும் ஏமாற்றமே! மூவரும் சேர்ந்து தோண்டியது வீணாக வேண்டாம் என்று எண்ணி, அந்த நிலங்களில் விதை விதைத்து நீர் பாய்ச்சி உரம் போட்டார்கள். ஆண்டு முடிவில் அவர்கள் நிலத்தில் அமோக விளைச்சல். அறுவடை செய்து விற்றதில் அவர்களுக்குக் கொள்ளை லாபம். இப்படி உழைப்பால் வரும் பயனைத்தான் அப்பா புதையல் என்று குறிப்பிட்டார் என்று பிள்ளைகள் மூவரும் புரிந்து கொண்டார்கள். 

நீதி :
உழைப்பினால் வரும் பணம் அதிர்ஷ்டம் தரும்.

இன்றைய செய்திகள்

24.09.21

★தீக்காயத்தால் பாதிக்கப்படுவோருக்கு தோல் மாற்று சிகிச்சை அளிக்க வசதியாக மதுரை கிரேஸ் கென்னட் மருத்துவமனையில் தோல் சேமிப்பு வங்கி தொடங்கப்பட்டுள்ளது.

★ஒரு லட்சம் தமிழக விவசாயிகளுக்கு இலவசமாக மின் இணைப்பு வழங்கும் திட்டத்தைத் தமிழக முதல்வர்  இன்று தொடங்கி வைத்தார்.

★6 மாநிலங்கள் மற்றும் 6 யூனியன் பிரதேசங்கள் தங்கள் மக்கள்தொகையில் 100 சதவீத அளவுக்கு முதல் டோஸ் தடுப்பூசியை செலுத்தி சாதனை படைத்துள்ளதாக மத்திய சுகாதார செயலாளர் ராஜேஷ் பூஷண் கூறியுள்ளார்.

★தேசிய பாதுகாப்பு அகாடமி தேர்வில் பெண்களை அனுமதிக்க வேண்டும்: மத்திய அரசுக்கு உச்ச நீதிமன்றம் உத்தரவு.

★ஆப்பிரிக்க நாடான சூடானில் ஏற்பட்டுள்ள மழை வெள்ளத்தால் மொத்தம் 18 மாநிலங்களில் 13 மாநிலங்கள் வெள்ளக்காடாகின. இதனால் அங்கு ஏற்கெனவே அகதிகளாக வாழ்ந்து வந்த மக்கள் இன்னும் மோசமாகப் பாதிக்கப்பட்டுள்ளனர்.

★சர்வதேச பில்லியர்ட்ஸ்: 24வது முறையாக உலக சாம்பியன் பட்டத்தை இந்திய வீரர் பங்கஜ் அத்வானி கைப்பற்றினார்.

★உலக வில்வித்தை சாம்பியன்ஷிப் கூட்டு பெண்கள் பிரிவு : இறுதி போட்டிக்கு முன்னேறிய இந்திய அணி.

Today's Headlines

★ A skin storage bank has been set up at the Grace Kenneth Hospital in Madurai to facilitate skin transplant treatment for burn victims.

 ★ The Chief Minister of Tamil Nadu today launched a scheme to provide free electricity connection to one lakh Tamil Nadu farmers.

 ★ Federal Health Secretary Rajesh Bhushan has said that 6 states and 6 Union Territories have achieved the record of giving the first dose of vaccine to 100 percent of their population.

 ★ Women should be allowed in National Security Academy exam: Supreme Court orders federal government.

 ★ Sudan, an African country, has been hit by flash floods that have inundated 13 out of 18 states.  Thus the people who were already living there as refugees are even worse affected.

 ★ International Billiards: Indian player Pankaj Adwani wins the world title for the 24th time.

 ★ World Archery Championship Joint Women's Division: Indian team advanced to the final.

Prepared by
Covai women ICT_போதிமரம்

Kalvi TV - Today ( 23.09.2021 ) Programme Schedule

பள்ளி காலை வழிபாட்டுச் செயல்பாடுகள் - 22.09.21

  திருக்குறள் :

அதிகாரம்:வலி அறிதல்

குறள்: 472

ஒல்வ தறிவ தறிந்ததன் கண்தங்கிச்
செல்வார்க்குச் செல்லாத தில்.

விளக்கம்:

தம்மால் செய்யமுடியும் செயலையும் அதைச் செய்வதற்கு ஏற்ற ஆற்றலையும் அறிந்து அதையே மனத்துள் சிந்தித்துச் செயலாற்றுவோர்க்கு, முடியாதது ஒன்றும் இல்லை.

பழமொழி :

Better to bend than to break.


உடைந்து போவதை விட, வளைந்து கொடுப்பது மேல்.

இரண்டொழுக்க பண்புகள் :

1. பசித்தோர் முகம் பார்த்து பகிர்ந்து உண்ண வேண்டும். 

2. பெரியாரின் மனம் பார்த்து மனம் கோணாமல் நடக்க வேண்டும்.

பொன்மொழி :

தொழிலாளர்கள் கடமையைச் செய்வதைத் தடுத்தால் உணவு ,உடை கிடைப்பது தடைப்படும்.---- விவேகானந்தர்.

பொது அறிவு :

1."காட்டு மரங்களின் சக்கரவர்த்தி " என அழைக்கப்படும் மரம் எது? 

தேக்கு மரம்.

2.கிரிக்கெட் மட்டை தயாரிக்க பயன்படுத்தப்படும் மரம் எது? 

வில்லோ மரம்.


English words & meanings :

Light - energy which helps people to see things, 

Light - not heavy; easy to lift

ஆரோக்ய வாழ்வு :

நெய்யின் நன்மைகள் சில

1)நெய்யில் வைட்டமின் K, A, மற்றும் E உள்ளது. இது கண்கள் மற்றும் சருமத்தை பாதுகாப்பதுடன் இரத்ததையும் சுத்தப்படுத்தும்.


2)நெய் எலும்புகளுக்கு மிகவும் நல்லது. வலுவைத் தருவதுடன் உடலில் உள்ள அமிலத்தன்மையைக் குறைக்கின்றது.

3)நெய்யில் உள்ள சத்துக்கள் உடலில் உள்ள நச்சுப் பொருட்களைவெளியேற்றச் செய்யும்.

4)நெய் உடல் எடையைக் குறைக்க மிகவும் எளிதான மருந்து. ஒரு தேக்கரண்டி நெய் சாப்பிட்டால் உடலில் மலச்சிக்கலைத் தடுத்து எடையைக் குறைக்கும்.

கணினி யுகம் :

F1 - Displays help information.

 F2 - Rename a selected item.

செப்டம்பர் 22 :

மைக்கேல் பரடே அவர்களின் பிறந்தநாள்




மைக்கேல் பரடே (Michael Faraday, செப்டெம்பர் 221791 – ஆகஸ்டு 251867)), பிரித்தானியாவைச் சேர்ந்த ஒரு வேதியியலாளரும், இயற்பியலாளரும் ஆவார். இவர் மின்காந்தவியல்மின்வேதியியல் ஆகிய துறைகளுக்குக் குறிப்பிடத்தக்க பங்களிப்புகளைச் செய்துள்ளார். இக்காலச் சோதனைச்சாலைகளில் சூடாக்குவதற்கான ஒரு கருவியாக உலகளாவிய முறையில் பயன்படுகின்ற பன்சன் சுடரடுப்பின் ஆரம்ப வடிவத்தைக் கண்டுபிடித்தவரும் இவரே.

நீதிக்கதை

வல்லவர் யார்?

ஒரு நாள் எறும்பு தரையில் மெல்ல ஊர்ந்து சென்று கொண்டிருந்தது. அப்போது பூரான் அதன் அருகே வந்தது. நண்பா! நான் வருவதைக் கூடக் கவனிக்காமல் எங்கே சென்று கொண்டிருக்கிறாய்? என்று கேட்டது. எறும்பு பூரான் நண்பா! உன்னைக் கவனித்துக் கொண்டிருந்தால் என் கடமையை நான் சரிவரச் செய்ய முடியாதே என்று சொன்னது. அப்படியென்ன முக்கியமான கடமை? என்று பூரான் கேட்டது. 

மழைக்காலத்திற்குத் தேவையான உணவை வெயில் காலத்திலேயே தேடிச் சேர்த்து வைப்பது என் கடமை என்றது எறும்பு. உன்னிடம் பேசிக்கொண்டிருந்தால் என் கடமையைச் செய்ய முடியாது என்று கூறி எறும்பு சென்றுவிட்டது. பூரானுக்கு எறும்பின் மேல் வருத்தம். அதனால் எறும்பை மட்டம் தட்டியே தீர வேண்டும் என்று நினைத்துக்கொண்டது. 

அடுத்த நாள் எறும்பு வரும் வழியில் நின்று எறும்பே, கடமையை சரிவரச் செய்வதால் மட்டும் நீ வல்லவனாக முடியாது!. உன்னால் என்னைப்போல வேகமாக ஊர்ந்து வர முடியுமா? அப்படி வந்தால் நீ என்னை விட வல்லவன் என்று ஒத்துக்கொள்கிறேன் என்றது. அதற்கு எறும்பு மிக அமைதியுடன் பூரானே, உன் அளவுக்கு வேகமாக என்னால் ஊர முடியாது. அந்த தைரியத்தில் நீ பேசுகிறாய். ஆனால், நான் செய்யும் சில காரியங்களை உன்னாலும் செய்ய முடியாது. அதனால் யார் வலியவன் என்ற பரிட்சையெல்லாம் வேண்டாம் என்று திரும்பவும் கூறியது. பூரானோ அப்படி என்ன சாகசத்தை நீ செய்வாய் என்று கேட்டது. 

எறும்பு பூரானை ஒரு தண்ணீர் தொட்டியின் மேல் அமர்ந்து வேடிக்கை பார்க்கச் சொல்லிவிட்டு, கரையின் அருகில் இருந்த ஒரு துரும்பில் ஏறி தண்ணிரில் விழுந்து அந்த துரும்பைப் பிடித்துக்கொண்டு தண்ணீரில் மிதந்தது. பூரானைப் பார்த்து உன்னால் இப்படிச் செய்து காட்ட முடியுமா? என்று கேட்டது. பூரான் அப்போதுதான் தனது தவறினை உணர்ந்தது. பின்பு, பூரான் எறும்பிடம் மன்னிப்புக் கேட்டு சிறந்த நண்பனாகத் திகழ்ந்து வந்தது. 

நீதி :
எல்லோருக்கும் சில வல்லமைகளும் சில இயலாமைகளும் இயற்கையிலேயே உண்டு.

இன்றைய செய்திகள்

22.09.21

◆ஊரகப் பகுதிகளில் நிலமற்ற, வீடுகள் இல்லாத ஏழை மக்களுக்கு நிலம் வழங்கி ஊரக வீடு வழங்கும் திட்டத்தின் கீழ் வீடுகள் வழங்க சிறப்புப் பணிப்பிரிவு (Task Force) அமைக்கப்பட்டுள்ளதாகத் தமிழக அரசு அறிவித்துள்ளது.

◆சிவகங்கை மாவட்டம், இளையான் குடி அருகே முனைவென்றியில் 3,200 ஆண்டுகளுக்கு முந்தைய மூடியுடன் கூடிய முதுமக்கள் தாழி கள், கீறல் குறியீடுகள் கண்டெடுக்கப்பு.

◆தமிழகத்தில் நீட் தேர்வு தொடர்ந்தால், கிராமப்புற ஏழை மாணவர்கள் மருத்துவப் படிப்பில் சேரமுடியாத சூழல் ஏற்படும் என்று நீதிபதி ஏ.கே.ராஜன் குழு அறிக்கையில் புள்ளிவிவரங்களுடன் தெரிவிக்கப்பட்டுள்ளது.

◆மத்திய அரசின் திட்டங்களை எளிதாக பெறும் வகையில் விவசாயிகளுக்கு 12 இலக்க எண் கள் கொண்ட புதிய அடையாள அட்டை வழங்கப்பட உள்ளது.

◆கனடா நாட்டில் நடந்த நாடாளுமன்றத் தேர்தல் வாக்கெடுப்பில் ஆளும் லிபரல் கட்சி வெற்றி பெற்றுள்ளது. இதனால், லிபரல் கட்சியின் தலைவர் ஜஸ்டின் ட்ரூடோ 3-வது முறையாக பிரதமராகயிருக்கிறார். 

◆இந்தியாவின் 70வது செஸ் கிராண்ட் மாஸ்டர் பட்டத்தை  தெலுங்கானா மாநிலத்தை சேர்ந்த ராஜா ரித்விக் பெற்றுள்ளார்.

◆உள்ளூரில் விளையாடும் போட்டிக்கான இந்திய கிரிக்கெட் அணியின் அட்டவணை அறிவிக்கப்பட்டுள்ளது.

Today's Headlines

📃The Government of Tamil Nadu has announced that a Special Task Force has been set up to provide land to the landless and homeless people in rural areas under the Rural Housing Scheme.

 📃 3,200-year-old lid-covered old people's coffin (thazhi)  scratch marks and symbols were discovered at Munaiveneri near Ilayan Gudi, Sivagangai District.

 📃 If the NEET examination continues to exist in Tamil Nadu, the rural poor students will not be able to join the medical course, said Judge AK Rajan in a panel report with figures.

 📃 Farmers will be issued a new 12 digit ID card for easy access to Central Government schemes.

 📃The ruling Liberal Party has won the parliamentary election in Canada.  Thus, the leader of the Liberal Party Justin Trudeau has become the Prime Minister for the 3rd time.

 📃 Raja Ritwik from Telangana has won the 70th Grand Chess Master title of India.

 📃 The schedule of the Indian cricket team for the local tournament has been announced.

Prepared by
Covai women ICT_போதிமரம்

12th English - Quarterly Exam Question Paper

 


 

10th Maths - Question Bank 2021-2022


 

 

12th Maths - Unit 4 Slip Test Question Paper

 


 

Kalvi TV - Today ( 21.09.2021 ) Programme Schedule

.com/

11th Accountancy - Study Materials 2021-2022

 


12th Economics - Important Questions 2021-2022

 


 

12th Accountancy - Practice Guide 2021-2022

 


 

10th Social - Model Question Paper 2021-2022


 


 

Polytechnic TRB - Physics - Unit 1-17 - Study Materials

 

TN- EMIS New update Available update Now- SEPTEMBER-20

Hi-Tech Lab & Basic ICT Training - 5th Day Video Modules

images%2B-%2B2021-08-03T204304.189

PGTRB Sura Guides - Study Materials

 

 

12th Botany - Answer Keys for Refresher Course Module 2021-2022

 

BRTE இடமாறுதல் கலந்தாய்வில் நீதிமன்ற தீர்ப்பாணையை பின்பற்ற பள்ளிக் கல்வி இணை இயக்குநர் உத்தரவு

20.09.2021 அன்று நடைபெற உள்ள BRTE இடமாறுதல் கலந்தாய்வில் நீதிமன்ற தீர்ப்பாணையை பின்பற்ற பள்ளிக் கல்வி இணை இயக்குநர் உத்தரவு

PGTRB Maths - Sample Question Paper

 

Support

Blog Archive

Group