கால்நடை மருத்துவ படிப்புகளுக்கான தரவரிசை பட்டியல் வெளியீடு

 

கால்​நடை மருத்​துவ படிப்​பு​களுக்​கான தரவரிசை பட்​டியல் ஆன்​லைனில் வெளி​யிடப்​பட்​டுள்​ளது. 57 பேர் கட்​-ஆப் மதிப்​பெண் 200-க்கு 200 எடுத்து சாதனை படைத்​துள்​ளனர். அடுத்த வாரம் கலந்​தாய்வு தொடங்​கு​கிறது.

தமிழ்​நாடு கால்​நடை மருத்​துவ அறி​வியல் பல்​கலைக்​கழகத்​தின்​கீழ் சென்​னை, நாமக்​கல், திருநெல்​வேலி, ஒரத்​த​நாடு, சேலம் தலை​வாசல், உடுமலைப்​பேட்​டை, தேனி வீரா​பாண்டி ஆகிய 7 இடங்​களில் உள்ள கால்​நடை மருத்​து​வக் கல்​லூரி​களில் ஐந்​தரை ஆண்​டு​கள் கொண்ட கால்​நடை மருத்​து​வம் மற்​றும் பராமரிப்பு படிப்​புக்கு (பி.​வி.எஸ்​சி. - ஏ.ஹெச்) 660 இடங்​கள் இருக்​கின்​றன.

இதில், சென்​னை, நாமக்​கல், திருநெல்​வேலி, ஒரத்​த​நாடு ஆகிய 4 கல்​லூரி​களில் உள்ள 420 இடங்​களில் மட்​டும் அகில இந்​திய ஒதுக்கீட்​டுக்கு 15 சதவீதம் இடங்​கள் ஒதுக்​கப்​படு​கின்​றன. மீதம் தமிழகத்​துக்கு 597 இடங்​கள் உள்​ளன. திரு​வள்​ளூர் மாவட்​டம் கோடு​வேளி​யில் உள்ள உணவு மற்​றும் பால்​வளத் தொழில்​நுட்ப கல்​லூரி​யில் உணவுத் தொழில்​நுட்ப பட்​டப் படிப்​புக்கு (பி.டெக்) 40 இடங்​கள், பால்​வளத் தொழில்​நுட்ப பட்​டப்​படிப்​புக்கு (பி.டெக்) 20 இடங்​கள் இருக்​கின்​றன.

இதில், உணவுத் தொழில்​நுட்ப படிப்​பில் 6 இடங்​கள் மற்​றும் பால்​வளத் தொழில்​நுட்ப படிப்​பில் 3 இடங்​கள் அகில இந்​திய ஒதுக்​கீட்டுக்கு வழங்​கப்​படு​கிறது. இதே​போல், ஓசூர் மத்​தி​கிரி​யில் உள்ள கோழி​யின உற்​பத்தி மற்​றும் மேலாண்மை கல்​லூரி​யில் கோழி​யின தொழில்​நுட்ப பட்​டப்​படிப்​புக்கு (பி.டெக்) 40 இடங்​கள் உள்​ளன. இந்த 3 பட்​டப்​படிப்​பு​களும் 4 ஆண்​டு​கள் கொண்​டது.

பிளஸ் 2 மதிப்​பெண் அடிப்​படை​யில் மாணவர் சேர்க்கை நடை ​பெறும் பி.​வி.எஸ்சி - ஏ.ஹெச் படிப்​புக்கு 20,516 பேரும், பி.டெக் படிப்பு​களுக்கு 5,028 பேரும் விண்​ணப்​பித்​தனர். விண்​ணப்​பங்​கள் பரிசீலனை செய்​யும் பணி​கள் முடிவடைந்​ததை தொடர்ந்​து, தகு​தி​யானவர்​களின் தரவரிசை பட்​டியல் https://adm.tanuvas.ac.in/ என்ற பல்​கலைக்​கழகத்​தின் இணை​யதளத்​தில் நேற்று வெளியிட்டப்​பட்​டது.

பி.​வி.எஸ்​சி. - ஏ.ஹெச் படிப்​புக்​கான தரவரிசை பட்​டியலில் 57 பேர் கட்​-ஆப் மதிப்​பெண் 200-க்கு 200 பெற்​றுள்​ளனர். விழுப்​புரம் மாவட்​டத்தை சேர்ந்த மாணவி ஜி.​திவ்​யா, பெரம்​பலூர் கே.கமலி, கடலூர் மாவட்​டத்தை சேர்ந்த எம்​.இ.அம்தா மெக​தாப், எம்​.​பார்​க​வி, ஐ.இலக்​கியா ஆகியோர் முதல் 5 இடங்​களை பிடித்​துள்​ளனர். பிடெக் தரவரிசை பட்​டியலில் கடலூர் மாவட்​டத்தை சேர்ந்த எம்​.​பார்​க​வி, ஆர்​.பிர​வீ​னா, பி.​கார்த்​தி​கா, எம்​.மெர்​லீன் ஆகியோர் கட்​-ஆப் மதிப்​பெண் 200-க்கு 200 பெற்று முதல் நான்கு இடங்​களை பிடித்​துள்​ளனர்.

கள்​ளக்​குறிச்சி மாவட்​டத்தை சேர்ந்த எல்​.லூ​யிஸ் அர்​னால்டு (கட்​-ஆப் மதிப்​பெண் 199.5) 5-வது இடத்தை பிடித்​துள்​ளார்.பி.​வி.எஸ்​சி. - ஏ.ஹெச் படிப்​பில் 7.5 சதவீத உள் இடஒதுக்​கீட்​டின் கீழ் அரசு பள்ளி மாணவர்​களுக்கு 45 இடங்​கள் மற்​றும் பிடெக் படிப்​பு​களில் 8 இடங்​கள் உள்​ளன. பி.​வி.எஸ்​சி. - ஏ.ஹெச் மற்​றும் பி.டெக் படிப்​பு​களுக்​கான மாணவர் சேர்க்​கைக்​கான கலந்​தாய்வு அடுத்த வாரம் தொடங்​கு​கிறது. சிறப்பு பிரிவு மற்​றும் 7.5 சதவீத உள் இடஒதுக்​கீட்​டின் கீழ் அரசு பள்ளி மாணவர்​களுக்​கான கலந்​தாய்வு நேரடி​யாக​வும், பொது பிரிவுக்​கான கலந்​தாய்​வு ஆன்​லைனிலும்​ நடை​பெறவுள்​ளது.