14 விலையில்லா நலதிட்டங்களை பெற்று வழங்கிட ஒவ்வொரு பள்ளிக்கும் ஒரு பணியாளரை நியமித்திட வேண்டுமென தமிழ்நாடு உயர்நிலை மற்றும் மேனிலைப்பள்ளி தலைமை ஆசிரியர்கள் சங்கம் கோரிக்கை

            தமிழ்நாடு உயர்நிலை மற்றும் மேனிலைப்பள்ளி தலைமையாசிரியர்கள்  சங்க மாநில பொதுக்குழுக்கூட்டம் திருவண்ணாமலையில் 29.12.2013  ஞாயிற்றுக்கிழமை காலை 10.00 மணியளவில்     ஆனந்தா திருமண மண்டபத்தில்  சிறப்பான முறையில்  நடைபெற்றது  

 .

      இக்கூட்டத்தில் சுமார் 500 –க்கும் மேற்ப்பட்ட  தலைமையாசிரியர்கள்  கலந்து  கொண்டார்கள் . மாநிலத்தலைவர்  திரு . வே.நடராஜன்  தலைமை தாங்கினார்  மாநில பொதுச்செயலாளர் திரு. சாமி . சத்தியமூர்த்தி ,  மாநிலப்பொருளாளர்              திரு . பி .நடராஜன், மாநில அமைப்புச்செயலாளர் திரு. ச. மோகனசுந்தரம்  அவர்கள் சிறப்புறையாற்றினார்கள் . கூட்டத்திற்கான ஏற்பாடுகளை  மாவட்டச்செயலாளர்                 திரு. எம். ரேணுகோபால்  மற்றும் மாவட்ட நிர்வாகிகள் செய்தார்கள் .

கூட்டத்தில் கீழ்கண்ட தீர்மானங்கள் நிறைவேற்றப்பட்டன

1.    உயர்நிலைப்பள்ளி  தலைமை ஆசிரியர்களுக்கு  மத்திய அரசுக்கு இணையாண ஊதியத்தை வழங்க வேண்டும் என இப்பொதுக்குழு கேட்டுக்கொள்கிறது

2.    சிறப்பான முறையில் பணியாற்றி வந்த  BRT SUPERVISORS – களை மீண்டும் முன்பு பணியாற்றிய அதே வட்டார வள மையத்தில் மாறுதல் செய்ய வேண்டும் என இப்பொதுக்குழு கேட்டுக்கொள்கிறது 

3.    அடுத்த கல்வி ஆண்டில்  பத்தாம் வகுப்பிற்கு முப்பருவக்கல்வி  அறிமுகப்படுத்தும் போது  மாணவர்கள் கல்வியை சிறப்பான முறையில் கற்கும் வகையில் அரசு பொதுத்தேர்வை தொடர்ந்து சிறப்பாக நடத்திட இப்பொதுக்குழு கேட்டுக்கொள்கிறது .

4.    அரசானை எண் 720 –ல் எக்காரணத்தைக்கொண்டும்  மாற்றம் செய்யக்கூடாது என இப்பொதுக்குழு கேட்டுக்கொள்கிறது

5.    மாவட்டக்கல்வி அலுவலர் பணியிடங்களுக்கான  பதவி உயர்வின்போது  100% பணியிடங்களை பதவி உயர்வுக்கு தகுதியான உயர்நிலைப்பள்ளி தலைமை ஆசிரியருக்கு மட்டுமே வழங்கிட வேண்டுமென இப்பொதுக்குழு கேட்டுக்கொள்கிறது 

6.    தமிழக அரசால் வழங்கப்படும்  14 விலையில்லா நலதிட்டங்களை பெற்று வழங்கிட ஒவ்வொரு பள்ளிக்கும் ஒரு பணியாளரை நியமித்திட வேண்டுமென இப்பொதுக்குழு கேட்டுக்கொள்கிறது .

7.    கல்வித்துறைக்கு  புள்ளி விவரங்களை உடனுக்குடன்  தருவதற்கு ஏதுவாக  அனைத்துப் பள்ளிகளுக்கும்  கணினி , ஜெராக்ஸ் இயந்திரம் மற்றும் இண்டர்நெட் வசதிகளை ஏற்படுத்தி அதை கையாள தகுதி வாய்ந்த கணினி ஆசிரியர்களை நியமிக்கமாறு இப்பொதுக்குழு கேட்டுக்கொள்வதோடு 

        இத்துடன் சேர்த்து மொத்தம் 19 முக்கிய கோரிக்கைகளை முன்வைத்து   தமிழகம் முழுவதும் அனைத்து மாவட்ட முதன்மைக் கல்வி அலுவலகங்கள் முன்பும் 05.02.2013 புதன்  மாலை 5.30 மணியளவில் மாபெரும்  கவன ஈர்ப்பு  ஆர்பாட்டம் நடத்திட   இப்பொதுக்குழு ஒரு மனதாக முடிவெடுத்துள்ளது  .

         செய்தி தொடர்பு  :  சி . சுகுமார்  ,  தலைமையாசிரியர் ,

                                ஆதனூர் , திருவண்ணாமலை மாவட்டம்