எஸ்.எஸ்.சி. தேர்வின்போது தேர்வு மையங்களில் ஜெனரேட்டர் வசதி மராட்டிய அரசுக்கு ஐகோர்ட்டு உத்தரவு

                மும்பை ஐகோர்ட்டில் விஷ்ணு காவ்லி என்பவர் தாக்கல் செய்த மனுவில், மராட்டியத்தில் மார்ச் 3–ந் தேதி எஸ்.எஸ்.சி. மாணவர்களுக்கு பொது தேர்வு தொடங்குகிறது. மாணவர்களின் நலன் கருதி, பள்ளிக்கூடங்களில் சீரான முறையில் மின்விநியோகம் செய்வதற்கு ஏதுவாக ஜெனரேட்டர் வசதி ஏற்படுத்த மாநில அரசுக்கு உத்தரவிட வேண்டும் என்று கூறி இருந்தார். 

 

           இந்த  வழக்கை நேற்று விசாரித்த நீதிபதி அபய் ஒகா, எஸ்.எஸ்.சி. பொதுத்தேர்வின் போது தேர்வு மையங்களில் ஜெனரேட்டர் வசதி ஏற்படுத்த வேண்டும் என்று மராட்டிய அரசுக்கு உத்தரவிட்டார். இதை கண்காணிக்க கல்வித்துறையில் இருந்து போதிய அதிகாரிகள் பணியமர்த்தப்பட வேண்டும் என்றும் உத்தரவில் கூறினார்.