* துவரம் பருப்புடன் இரண்டு பூசணி துண்டுகள் அல்லது
சா்க்கரை வள்ளிக்கிழங்கு துண்டுகளைச் சோ்த்து வேக வைத்து, மசித்து, சாம்பாரில்
சோ்த்தால் ருசியாக இருக்கும்.
* காய்கறி சாலட் செய்யும்போது ஊறவைத்தப்
பாசிப்பருப்பை சாலட்டுடன் சோ்த்தால் சுவையாகவும், சத்தும் கூடும்.
* அதிக அளவு
பாலாடை தேவையென்றால் கொதித்து ஆறியப் பாலை மூடாமல் ஃப்ரிட்ஜில் வைத்தால் அதிக அளவு
பாலாடை கிடைக்கும்.
* குருமா செய்யும்போது, தேங்காயின் அளவை குறைத்து பாதாம்
பருப்பை சோ்த்து அரைத்தால் சத்து அதிகரிக்கும்.
* பருப்பு ரசம் செய்யும்போது
இரண்டு பச்சை மிளகாயை நீள வாக்கில் வெட்டி, ரசம் நுரைத்து வரும் போது போட்டால் ரசம்
சுவையாகவும் இருக்கும்.
* எண்ணெய்யில் வறுத்த அல்லது பொரித்த உணவுகளை
அடுப்பிலிருந்து எடுத்தவுடன் மூடக்கூடாது. அவ்வாறு செய்தால் உணவுப் பண்டங்கள்
நமத்துவிடும்.
* அப்பளம், வடகம் போன்றவற்றை வெயிலில் காய வைத்து பொரித்தால் அதிக
எண்ணெய் இழுக்காது. மொறுமொறுப்பாக இருக்கும்.
* கேரட்டை தோல் சீவி, ஐந்து
நிமிடங்கள் தண்ணீரில் போட்டு ஊற வைத்த பிறகு, எடுத்து துருவினால் கேரட் மிருதுவாகி,
எளிதாக துருவ வரும்.
* டப்பாவில் வைத்த அப்பளம், வடகம் போன்றவை நொறுங்கி
தூளாகிவிட்டால் அந்த துண்டுகளை எடுத்து பஜ்ஜி மாவில் போட்டு கலந்து பொரித்து
எடுத்தால் ருசியும் நன்றாக இருக்கும். பொருட்களும் வீணாகாது.
0 Comments:
Post a Comment
Dear Reader,
Enter Your Comments Here...