வகுப்பறையில் நெஞ்சுவலி 9ம் வகுப்பு மாணவன் பலி

            விருதுநகர் மாவட்டம் ராஜபாளையம் தெற்கு அண்ணா நகரைச் சேர்ந்தவர் பால்பாண்டி. டீக்கடை நடத்தி வருகிறார். இவரது மகன்  முத்துமோகன் (15). இவர் ராஜபாளையத்தில்  உள்ள தனியார் பள்ளியில் 9ம் வகுப்பு படித்து வந்தார். நேற்று முன்தினம் பள்ளிக்கு வந்தார்.  வகுப்பறையில் இருந்த முத்துமோகனுக்கு திடீரென நெஞ்சுவலி ஏற்பட்டது. 

         இதையடுத்து அவரை ராஜபாளையத்திலுள்ள ஒரு தனியார் மருத்துவமனைக்குக கொண்டு சென்றனர். ஆனால், வழியிலேயே முத்துமோகன்  பரிதாபமாக இறந்தார். இதுகுறித்து ராஜபாளையம் தெற்கு போலீசார் வழக்குப்பதிவு செய்து விசாரித்து வருகிறார்.