Andriod App Download

பாடசாலை வலைதளத்தின் New Android App ஐ Download செய்து பயன்படுத்தவும்! - https://play.google.com/store/apps/details?id=com.padasalai.padasalai

மெட்ரிக்குலேசன் பள்ளிகள் இயக்ககம் என்பதை தனியார் பள்ளிகள் இயக்ககம் எனப் பெயர் மாற்றம் செய்து அமைச்சர் செங்கோட்டையன் அறிவித்துள்ளார். சட்டப்பேரவையில் பள்ளிக்கல்வித் துறை மீதான விவாதத்துக்கு பிறகு அமைச்சர் செங்கோட்டையன் வெளியிட்ட அறிவிப்புகள் வருமாறு:
* 1,575 பட்டதாரி ஆசிரியர் பணியிடங்கள், முதுகலைப் பட்டதாரி ஆசிரியர் பணியிடங்களாக தரம் உயர்த்தப்படும்.
* 6 முதல் 8ம் வகுப்பு வரை பயிலும், மாணவர்களின் நலனுக்காக, ரூ.82.34 லட்சம் செலவில் பள்ளி பரிமாற்ற திட்டம் செயல்படுத்தப்படும்.
* அனைத்து அரசு உயர்நிலை மற்றும் மேல்நிலைப் பள்ளிகளிலும், ஆசிரியர் அல்லாத பணியிடங்கள் தோற்றுவிக்கப்படும்.

சிறைவாசிகளுக்கான சமநிலைக் கல்வித் திட்டம் ரூ.20.33 லட்சம் மதிப்பீட்டில் செயல்படுத்தப்படும்.
* பொதுத் தேர்வுகளுக்கு தரம் மேம்படுத்தப்பட்ட புதிய மதிப்பெண் சான்றிதழ்கள் ரூ.13.50 கோடி செலவில் வழங்கப்படும்.
* அரசுப் பள்ளிகளில் பயிலும் மாணவர்களின் தனிப்பட்ட கற்றல் வளர்ச்சியை ஊக்குவித்தல் என்ற திட்டம் ரூ.2 கோடி செலவில் செயல்படுத்தப்படும்.
* சிறப்பு கவனம் தேவைப்படும் மாணவர்களுக்கு தமிழிலும், ஆங்கிலத்திலும் ஒலி வடிவில் பாடநூல்கள் ரூ.30 லட்சம் செலவில் தயாரித்து வழங்கப்படும்.
* மாவட்ட ஆசிரியர் கல்வி மற்றும் பயிற்சி நிறுவனங்களின் உட்கட்டமைப்பு வசதிகள் ரூ.4.93 கோடி செலவில் மேம்படுத்தப்படும்.
* மாணவர்களின் படைப்பாற்றல், கலை உணர்வு, தனித் திறமைகளை மிளிரச் செய்யும் வகையில் மாவட்ட மற்றும் மாநில அளவில் வண்ணத் திருவிழா ரூ.5 லட்சம் செலவில் நடத்தப்படும்.
* அரசு பள்ளிகளில் 2 மற்றும் 3ம் வகுப்புகளில் பயிலும், கற்றலில் பின்தங்கிய மாணவர்களுக்கு, குறைதீர் கற்றல் பயிற்சி புத்தகம் ரூ.1 கோடியே 65 .
* சிறப்பு பயிற்றுநர்கள் மற்றும் உடல் இயக்க வல்லுநர்களுக்கு புத்தாக்கப் பயிற்சி ரூ.19.76 லட்சம் செலவில் வழங்கப்படும்.
* அனைத்து நூலகங்களிலும், குடும்ப நூலக உறுப்பினர் அட்டை வழங்கும் திட்டம் அறிமுகப்படுத்தப்படும்.
* குடியிருப்பு வளாகங்களில் சமுதாய நூலகம் அமைக்கப்படும்.
* மத்திய மற்றும் மாநில அரசின் விருது பெற்ற தமிழ் நூல்களை நூலகங்களுக்கு வாங்கும் திட்டம் ரூ. 60 லட்சம் செலவில் செயல்படுத்தப்படும்.
* இயற்கை எய்திய நூலகப் பணியாளர்களின் நூல் இழப்பிற்கான அபராதத் தொகை ரத்து செய்யப்படும்.
* கல்வி இணை செயல்பாடுகளை ஊக்குவிக்கும் விதமாக அரசு உயர்நிலை மற்றும் மேல்நிலைப் பள்ளிகளுக்கு தையல், இசை மற்றும் ஓவியம் ஆகிய பாடங்களை பயிற்றுவிக்க தேவையான உபகரணங்கள் வழங்கும் திட்டம் ரூ. 8.29 கோடி செலவில் செயல்படுத்தப்படும்.
* மெட்ரிக்குலேசன் பள்ளிகள் இயக்ககம் என்பதை தனியார் பள்ளிகள் இயக்ககம் என பெயர் மாற்றம் செய்யப்படும்.
* 10ம் வகுப்பு பொதுத் தேர்வு மதிப்பெண் சான்றிதழ்களில், மாணவர்களின் பெயருடன் பெற்றோர்களின் பெயர்களை அச்சிட்டு வழங்கும் திட்டம் செயல்படுத்தப்படும்.
* மாணவர்கள் உயர்கல்வியை தேர்வு செய்வதற்கும் வேலைவாய்ப்பைப் பெறுவதற்கும் ஏற்ப மேல்நிலைப் பள்ளிகளில் மூன்று அல்லது நான்கு முதன்மைப் பாடங்களை தேர்ந்தெடுத்துக்கொள்ளும் விதமாக, பாடத் தொகுப்புகள் மேம்படுத்தப்படும்.
* அனைத்து அரசு மற்றும் அரசு உதவி பெறும் பள்ளிகளுக்கு திருக்குறள் புத்தகம் வழங்கப்படும்.
* ஆசிரியர் தேர்வு வாரியத் தேர்வுகளை நடத்திடும் நிர்வாக அலுவலர்களுக்கு பயிற்சி வழங்கும் திட்டம் செயல்படுத்தப்படும்.
* ஆசிரியர் தேர்வு வாரியத்தினால் நடத்தப்படும் கணினி வழி தேர்வுகளை வலுப்படுத்திட ஐஐடி, எம்ஐடி போன்ற தலைசிறந்த கல்வி நிறுவனங்களுடன் புரிந்துணர்வு ஒப்பந்தம் மேற்கொள்ளப்படும்.

0 Comments:

Post a comment

Dear Reader,

Enter Your Comments Here...

Categories

Blog Archive

Total Pageviews

Recent Comments