Maazter - The Learning App

பதிவிறக்க வேகத்தில் மீண்டும் ஜியோ முதலிடம்

ரிலையன்ஸ் ஜியோ நிறுவனத்தின் 4ஜி பதிவிறக்க வேகம் கடந்த அக்டோபர் மாதம் விநாடிக்கு 21.8 மெகாபைட் என்ற அளவில் முதலிடத்தில் இருந்ததாக டிராய் அமைப்பு தெரிவித்துள்ளது.

இதுகுறித்து அந்த அமைப்பு மேலும் கூறியுள்ளதாவது:
4ஜி தொழில்நுட்பத்தில் இணையத்திலிருந்து தகவல்களை வேகமாக பதிவிறக்கம் செய்வதில் ரிலையன்ஸ் ஜியோ முதலிடத்தில் உள்ளது. கடந்த செப்டம்பர் மாதத்தில் 21.9 எம்பிபிஎஸ்-ஆக இருந்த இந்த நிறுவனத்தின் 4ஜி பதிவிறக்க வேகம், சென்ற அக்டோபரில் சற்றே குறைந்து 21.8 எம்பிபிஎஸ் -ஆனது. வோடபோன் நிறுவனத்தின் 4ஜி நெட்வொர்க்கின் பதிவிறக்க வேகம் 9.9 எம்பிபிஎஸ் ஆகும். இதனுடன் ஒப்பிடும்போது ரிலையன்ஸ் ஜியோவின் பதிவிறக்க வேகம் 2 மடங்கைவிட அதிகம் ஆகும்.

மேலும், ஐடியா செல்லுலார் மற்றும் பார்தி ஏர்டெல் நிறுவனங்களின் பதிவிறக்க வேகம் முறையே 8.1 எம்பிபிஎஸ் மற்றும் 9.3 எம்பிபிஎஸ்-ஆக இருந்தது.

அதேசமயம், 'அப்லோடு' எனப்படும் தகவல்களை பதிவேற்ற வேகத்தில் ஐடியா செல்லுலார் நிறுவனம் மிக வேகமான செயல்பாட்டைக் கொண்டுள்ளது. இந்த நிறுவனத்தின் பதிவேற்ற வேகம் 7.1 எம்பிபிஎஸ்-ஆக இருந்தது. ஐடியாவைத் தொடர்ந்து வோடபோன் 6.2 எம்பிபிஎஸ் பதிவேற்ற வேகத்தையும், ரிலையன்ஸ் ஜியோ 4.9 எம்பிபிஎஸ் வேகத்தையும், பார்தி ஏர்டெல் 3.9 எம்பிபிஎஸ் வேகத்தையும் கொண்டிருந்தது.

மை-ஸ்பீடு ஆப் மூலம் மேற்கொண்ட ஆய்வின் வாயிலாக இந்த முடிவுகள் தெரியவந்ததாக டிராய் கூறியுள்ளது.




0 Comments:

Post a Comment

Dear Reader,

Enter Your Comments Here...

Recent Posts

Whatsapp

Total Pageviews

Blog Archive