வருமான வரியை சேமிக்க 5 எளிய வழிமுறைகள்!


வருமான வரியை சேமிக்க/ வருமான வரி விலக்கு பெற பல்வேறு வழிமுறைகள் உள்ளன. அவற்றில் முக்கிய 5 முறைகளை பார்க்கலாம்.

மியூச்சுவல் ஃபண்ட் :

ELSS (Equity Linked Saving Scheme)- சேமிப்பின் மூலம் 3 வருடங்கள் வரை ஒரு லட்சம் ரூபாய் வரை சேமிக்க முடியும்.


இதில் முதல் 3 வருடங்களில் சேமித்த தொகையை எடுத்து மீண்டும் ELSS சேமிப்பில் முதலீடு செய்யலாம். 3 வருடங்கள் என்ற குறைந்த கால அளவு இருப்பதால் இதனை தொடர்ந்து பயன்படுத்தலாம்.

அதேபோன்று PPF (பொது வருங்கால வைப்பு நிதி) -இல் வட்டி விகிதம் (8%) மிகவும் அதிகம் என்பதால் சிறந்த பாதுகாக்கப்பான சேமிப்பு முறையாகும்.

தேசிய ஓய்வூதிய திட்டம் (National Pension Scheme):

பிரிவு 80சியின் மூலம் ரூ.1.5 லட்சம், பிரிவு 80சிசிடி மூலம் ரூ.50,000 என மொத்தம் 2 லட்சம் ரூபாய் வரை வருமானவரி விலக்கு பெறலாம்

சுகாதாரக் காப்பீடு (Health Insurance)

தனி நபருக்கோ அல்லது குடும்பத்தில் உள்ள அனைவருக்குமோ, ஆயுள் காப்பீடு செய்தால் அவற்றிற்கு வருமான வரி விலக்கு அளிக்கப்படுகிறது.

பிரிவு 80டி-யின் படி, மனைவி மற்றும் குழந்தைகளுக்கு ரூ.25,000 வரையிலும்,60 வயதுக்கு அதிகமான பெற்றோர்களுக்கு ரூ.50,000 வரையிலும் வரிவிலக்கு பெறலாம்

டெர்ம் இன்சூரன்ஸ்:

இது குறிப்பிட்ட கால அளவு காப்பீடாகும். இதற்கான ப்ரீமியம் தொகை மிகவும் குறைவே. எனவே தனிப்பட்ட நபர் அல்லது தனது குடும்பத்திற்கு இந்த காப்பீட்டை எடுக்கலாம்.

இதில் 15-20 வருடங்கள் என்ற குறைந்த கால காப்பீடை எடுத்துக்கொள்ளலாம்.

 அல்லது 60-65 வயது வரையிலான நீண்ட கால காப்பீடை எடுக்கலாம்.

தோராயமாக ரூ.1 கோடிக்கு 30 ஆண்டுகால காப்பீட்டில் மாதத்திற்கு ரூ. 700 முதல் 800 வரை செலுத்த வேண்டியிருக்கும்.

நன்கொடை :

நாம் நன்கொடை வழங்கும் தொகை மற்றும் நிறுவனத்தை பொறுத்தது வரிவிலக்கு அளிக்கப்படுகிறது. பிரிவு 80ஜி-யின் படி, நாம் வழங்கும் நன்கொடை தொகைக்கு 50% முதல் 100% வரை வரி விலக்கு கிடைக்கும்.

Share this