DEE - அனைத்து பள்ளிகளிலும் குழந்தைகள் உரிமை பாதுகாப்பு மையம் அமைக்க தொடக்கக்கல்வி இயக்குநர் உத்தரவு!

பள்ளிகளில், குழந்தைகள் உரிமை
பாதுகாப்பு மையம் அமைக்க, இயக்குநரகம் அறிவுறுத்தியுள்ளது.இது குறித்து, மாவட்ட கல்வி அதிகாரிகளுக்கு, தொடக்க கல்வி இயக்குநர், கருப்பசாமி அனுப்பி உள்ள சுற்றிக்கை:
தொடக்க கல்வி இயக்குநரகத்தின் கீழ் செயல்படும், அனைத்து தொடக்க மற்றும் நடுநிலை பள்ளிகளும், குழந்தைகள் உரிமை பாதுகாப்பு மையம் அமைக்க வேண்டும். தொடக்க பள்ளிகளில், ஒரு ஆசிரியர், ஒரு ஆசிரியை, மூன்று பெற்றோர், வட்டார வள மையத்தின் ஆசிரியர் பயிற்றுனர் ஒருவர், இந்த மையத்தில், உறுப்பினர்களாக இடம் பெற வேண்டும்.
எட்டாம் வகுப்பு வரையிலான நடுநிலை பள்ளிகளில், ஒரு ஆசிரியர், இரண்டு ஆசிரியைகள், மூன்று பெற்றோர், ஒரு வட்டார வள மைய ஆசிரியர் பயிற்றுனர்ஆகியோர், மையத்தின் உறுப்பினர்களாக இருக்க வேண்டும்.
இந்த உத்தரவை பின்பற்றி, குழந்தைகள் உரிமை பாதுகாப்பு மையம் அமைக்க வேண்டும். பாதுகாப்பு மையம் அமைத்தது குறித்து, இயக்குநரகத்துக்கு அறிக்கை அனுப்ப வேண்டும்.
இவ்வாறு, சுற்றறிக்கையில் கூறப்பட்டு உள்ளது

Share this

0 Comment to "DEE - அனைத்து பள்ளிகளிலும் குழந்தைகள் உரிமை பாதுகாப்பு மையம் அமைக்க தொடக்கக்கல்வி இயக்குநர் உத்தரவு!"

Post a Comment

Dear Reader,

Enter Your Comments Here...