Don't buy gold for a year - reduce fuel consumption - PM Modi appeals
"கொரோனா காலத்தில் Work From Home, ஆன்லைன் கூட்டங்கள் போன்ற நடைமுறைகளுக்கு நாம் பழகியிருந்தோம். தேச நலன் கருதி இன்று நாம் மீண்டும் அந்த நடைமுறைகளை தொடருவது காலத்தின் கட்டாயமாகும்.
பொதுமக்கள் திருமணத்திற்காக ஓராண்டுக்கு, தங்கம் வாங்க வேண்டாம் என்று நான் மக்களை கேட்டுக்கொள்கிறேன்.
பெட்ரோல், டீசல் பயன்பாட்டை குறைக்க வேண்டும். தேவையற்ற பயணத்தை தவிர்க்க வேண்டும்.
மத்திய கிழக்கு போர் பதற்றம், எரிவாயு நெருக்கடிக்கு மத்தியில் பிரதமர் மோடி வேண்டுகோள்.
இன்று ( 10 மே 2026 ) ஹைதராபாத்தில் நடைபெற்ற பாஜக பொதுக்கூட்டத்தில், பிரதமர் நரேந்திர மோடி நாட்டு மக்களுக்கு ஒரு முக்கியமான வேண்டுகோளை விடுத்துள்ளார்.
பிரதமர் மோடியின் முக்கிய கோரிக்கைகள்:
தங்கம் வாங்குவதைத் தவிர்க்கவும்:
நாட்டின் அந்நியச் செலாவணி கையிருப்பை (Foreign Exchange Reserves) பாதுகாப்பதற்காக, பொதுமக்கள் அடுத்த ஓராண்டிற்கு தங்கம் வாங்குவதை நிறுத்துமாறு அல்லது தவிர்த்துவிடுமாறு பிரதமர் கேட்டுக்கொண்டுள்ளார்.
வெளிநாட்டுப் பயணங்கள்:
அத்தியாவசியமற்ற வெளிநாட்டுப் பயணங்களை ஓராண்டிற்குத் தள்ளிவைக்க வேண்டும்.
பெட்ரோல்/டீசல் பயன்பாடு:
எரிபொருள் பயன்பாட்டைக் குறைத்து, பெட்ரோல், டீசலைச் சிக்கனமாகப் பயன்படுத்த வேண்டும்.
வீட்டிலிருந்தே வேலை (WFH):
எரிபொருளைச் சேமிக்க, முடிந்தவரை வீட்டில் இருந்தே பணியாற்றும் (Work From Home) முறையைப் பின்பற்றுமாறும், காணொளி மூலமான கூட்டங்களை அதிகரிக்குமாறும் கேட்டுக்கொண்டுள்ளார்.
காரணம்:
மேற்காசியப் போர்ச் சூழல் மற்றும் உலகளாவிய பொருளாதார நெருக்கடிகளால், இந்தியாவின் பொருளாதார வலிமையைத் தக்கவைக்கவும், இறக்குமதி சார்ந்த அந்நியச் செலாவணியைக் குறைக்கவும் இந்த நடவடிக்கை அவசியம் என்று பிரதமர் தெரிவித்துள்ளார்.
பிரதமர் தனது உரையில், மேற்காசிய பிராந்தியத்தில் நிலவும் சூழலை கருத்தில்கொண்டு, இறக்குமதி செய்யப்படும் பெட்ரோலியப் பொருட்களை தேவைக்கேற்ப மட்டுமே நாம் பயன்படுத்த வேண்டும். இவ்வாறு செய்வதன் வாயிலாக, அன்னிய செலாவணியை சேமிப்பது மட்டுமின்றி, போரினால் ஏற்படும் பாதகமான விளைவுகளையும் குறைக்க முடியும். கடந்த சில ஆண்டுகளில், சூரிய ஆற்றல் துறையில் உலகின் முன்னணி நாடுகளின் வரிசையில் இந்தியா இடம்பிடித்துள்ளது. பெட்ரோல் எத்தனால் கலப்பு திட்டத்தில் பல்வேறு முன்னோடி பணிகள் முடுக்கிவிடப்பட்டுள்ளன. முதற்கட்டமாக 100 சதவீத வீடுகளுக்கு சமையல் காஸ் சிலிண்டர் இணைப்பு வழங்குவதில் அரசு கவனம் செலுத்தியது. தற்போது, குழாய் வழி எரிவாயுவை சிக்கனமான முறையில் வினியோகிப்பதில் அரசு கவனம் செலுத்தி வருகிறது. மேலும், சி.என்.ஜி., எனப்படும் அழுத்தப்பட்ட இயற்கை எரிவாயு அமைப்புகளையும் அரசு ஊக்குவித்து வருகிறது. இந்த தொடர் முயற்சி காரணமாக, உலக அளவில் நிலவும் பெரும் எரிசக்தி நெருக்கடியை இந்தியா திறம்பட சமாளித்து வருகிறது. சீர்திருத்தங்களின் விரைவுப் பாதையில் பயணித்து வரும் இந்தியா, அதே வேளையில் நவீன உள்கட்டமைப்பு வசதிகளை உருவாக்கி வருகிறது. ஓராண்டுக்கு தங்கம் வாங்க வேண்டாம். ஓராண்டுக்கு வெளிநாட்டு சுற்றுலா வேண்டாம். பெட்ரோல் டீசல் பயன்பாட்டை குறையுங்கள். பொது போக்குவரத்தை பயன்படுத்துங்கள் என அவர் பேசினார்.
0 Comments:
Post a Comment
Dear Reader,
Enter Your Comments Here...