Padasalai's Flash Test Questions

அன்புள்ள பாடசாலை வாசக ஆசிரியர்கள் மாணவர்கள் அனைவருக்கும் வணக்கம்,

நமது பாடசாலை வலைதளம் தொடர்ந்து ஐந்தாவது ஆண்டாக தற்போது சென்டம் கோச்சிங் ஆசிரியர் குழுவைச் சேர்ந்த ஆசிரியர்கள் மூலம் வரக்கூடிய 2019ஆம் ஆண்டு பொதுத் தேர்விற்கு மாணவர்களை தயார் படுத்தும் விதமாக புதிய வினாத்தாள் அமைப்பின்படி நுணுக்கமான, கடினமான வினாத்தாள்கள் பாடவாரியாக வெளியிட்டு வருகிறோம்.

மேலும் மூன்றாவது வருடமாக நமது ஆசிரியர் குழுவின் மூலம் Creative Questions பாடவாரியாக, அலகு வாரியாக தயாரித்து வெளியிட்டு வருகிறோம்.

தற்போது மேலும் ஒரு புதிய முயற்சியாக  மாணவர்களுக்கு உதவும் வகையில் Flash Test நடத்த இருக்கிறோம்.

Flash Test என்றால் என்ன?

10th, 11th, 12th பொதுத்தேர்வு எழுத இருக்கும் மாணவர்களுக்காக நுணுக்கமான கடினமான Best Twisted Questions ஒவ்வொரு பாடத்திலும் 50 வினாக்கள் கேட்கப்படும் (Full portions). இந்தத் தேர்வானது நமது பாடசாலை வலைதளத்தில் ஆன்லைன் தேர்வாக நடத்தப்படும், இத்தேர்வுகளை இணைய வசதி கொண்ட செல் போனிலோ அல்லது லேப்டாப்பிலோ எழுதலாம். 

இத்தேர்வில் அரசு பள்ளி, தனியார் மெட்ரிக் பள்ளி என எந்த மாணவர் வேண்டுமானாலும் கலந்து கொள்ளலாம். ஆனால் தேர்வானது குறிப்பிட்ட நாளில், குறிப்பிட்ட சில நேரங்களில் மட்டுமே நடத்தப்படும். தேர்வு முடிந்தவுடன் தேர்வில் மாணவர்கள் பெற்ற மதிப்பெண் விவரம் வெளியிடப்படும். அதிக மதிப்பெண் பெற்ற 3 மாணவர்களுக்கு சான்றிதழ் அனுப்பிவைக்கப்படும்.

நினைவிருக்கட்டும் - இத்தேர்வானது குறிப்பிட்ட நாளில், குறிப்பிட்ட நேரத்திற்குள் மட்டுமே எழுதும் வகையில் நடத்தப்படும். அந்த நேரம் கடந்து முடித்த பிறகு அந்த வினாத்தாளானது முடக்கி வைக்கப்படும். எனவே மாணவர்கள் குறிப்பிட்ட அந்த நேரத்துக்காக காத்திருந்து தேர்வினை வெற்றிகரமாக எழுதி முடிக்க கேட்டுக்கொள்கிறோம். தவறவிட்டால் மீண்டும வினாக்களை பார்க்க இயலாது.

தேர்வு எப்போது நடக்கும்?

- வார நாட்கள் அல்லது வார இறுதி நாட்கள்.

- ஒவ்வொரு வாரமும் இரண்டு படங்களுக்கு மட்டுமே தேர்வு நடைபெறும்.

- தேர்வு நேரம் அரை மணி நேரம் அல்லது ஒரு மணி நேரம் இருக்கும்.

எதற்காக இப்புதிய முயற்சி?

இயல்பாக மாணவர்கள் பொதுத் தேர்வுக்கு முந்தைய ஜனவரி, பிப்ரவரி மாதங்களில் ஆர்வமாக தயார் படிப்பார்கள். ஆனால் அரையாண்டு தேர்வுக்கு முந்தைய நவம்பர் டிசம்பர் மாதங்களில் இருந்தே பொதுத்தேர்விற்கு முழுமூச்சாக தயார் ஆனால் மட்டுமே பொதுத்தேர்வில் 100க்கு 100 மதிப்பெண்ணை மிக எளிதாக பெற இயலும். எனவே இக்காலகட்டத்தில் (நவம்பர், டிசம்பர் மாதங்களில்) மாணவர்கள் பாடப்பகுதியை முழுமையாகப் படித்துப் பார்க்க ஆர்வமூட்டும் வகையில் இத்தேர்வுகள் நடத்தப்படுகின்றன. அதிக மதிப்பெண் பெறும் மாணவர்களுக்கு நாம் வழங்கும் சான்றிதழ்கள், மாணவர்களை மேலும் ஊக்கப்படுத்தும் என நம்புகிறோம்.

உங்கள் உதவி நமக்கு தேவை!

நமது பாடசாலையின் இப்புதிய முயற்சி குறித்த தங்கள் கருத்துகளை கீழே உள்ள Comment Box-ல் அவசியம் பதிவிடவும். மேலும் இந்த Flash தேர்வுகளை வார நாட்களில் நடத்தலாமா? அல்லது வார இறுதி நாட்களில் அதாவது சனி, ஞாயிறு போன்ற நாட்களில் நடத்தலாமா? என்பது குறித்தும் உங்களை கருத்துக்களை பதிவிடவும்.

மேலும் தேர்வுகளை எந்த நேரத்தில் நடத்தலாம்? அதாவது காலை 7 முதல் 8 மணி வரை நடத்தலாமா? அல்லது மாலை 7 மணி முதல் 8 மணிவரை நடத்தலாமா? அல்லது வேறு ஏதேனும் நேரத்தில் நடத்தினால் மாணவர்களுக்கு வசதியாக இருக்குமா? என்பது குறித்தும் உங்களின் கருத்துக்களை அவசியம் கீழே பதிவிடவும்.

முக்கிய குறிப்பு:

Padasalai's Flash Test - குறித்த விவரங்களை உங்கள் பள்ளி மாணவர்களுக்கு எடுத்துக்கூறி, அவர்கள் அனைவரையும் இத்தேர்வில் பங்கு பெற அறிவுறுத்துமாறு வாசக ஆசிரியர்களை அன்புடன் கேட்டுக்கொள்கிறோம்.

நன்றி!

என்றும் அன்புடன் - பாடசாலை.!

Must Comment Please!