2026-27ம் கல்வியாண்டிற்கான ஆயுஷ் டிப்ளமோ பட்டய படிப்புக்கு இன்று முதல் விண்ணப்பிக்கலாம்

 ஓமியோபதித்துறை ஆணையரகம் வெளியிட்ட அறிக்கை: 2026-27ம் கல்வியாண்டிற்கு, சென்னை மற்றும் பாளையங்கோட்டையில் உள்ள அரசு ஆயுஷ் துணை மருத்துவ படிப்புப் பள்ளிகளில் உள்ள இடங்களுக்கான பட்டயப்படிப்புகள் சேர்க்கைக்கான இணையவழி விண்ணப்பங்கள் தகுதியுள்ளவர்களிடமிருந்து வரவேற்கப்படுகின்றன. பட்டயப்படிப்புகளுக்கான தகவல் தொகுப்பேட்டினை www.tnayushselection.org என்ற வலைதளத்தில் பதிவிறக்கம் செய்துகொள்ளலாம். இணையவழியில் மட்டுமே விண்ணப்பப் படிவங்கள் ஏற்றுக்கொள்ளப்படும்.

 

 கலந்தாய்விற்கான அட்டவணை மற்றும் பிற தகவல்களை www.tnayushselection.org என்கின்ற வலைதளத்தில் உள்ள உரிய தகவல் தொகுப்பேட்டில் அறியலாம். விண்ணப்பக் கட்டணம், இணையவழி கலந்தாய்வுக் கட்டணம், கல்விக் கட்டண முன்பணம் இவை அனைத்தும் இணையவழி மூலமாக மட்டுமே செலுத்த வேண்டும்.

 

விண்ணப்பத்தை பதிவிறக்கம் செய்து, கோரப்பட்டுள்ள அனைத்துச் சான்றிதழ்களின் சுய சான்றொப்பமிட்ட நகல்களையும் இணைத்து செயலாளர், தேர்வுக்குழு, இந்திய மருத்துவம் மற்றும் ஓமியோபதித் துறை இயக்குநர் அலுவலகம், அறிஞர் அண்ணா அரசினர் இந்திய மருத்துவமனை வளாகம், அரும்பாக்கம், சென்னை-600 106 என்ற முகவரிக்கு வரும் 29ம் தேதி மாலை 5 மணிக்குள் சமர்ப்பித்தல் வந்து சேர வேண்டும்.இவ்வாறு அறிக்கையில் கூறப்பட்டுள்ளது.