Hi Whatsapp Admins!

பாடசாலை வலைதளத்தின் செய்திகளை உங்கள் Helo App -ல் உடனுக்குடன் Notifications பெற Click Here & Join Now! - https://m.helo-app.com/al/URyRSdZpF

டெல்லி, சண்டிகரை நள்ளிரவு புழுதி புயல் தாக்கியது. என்சிஆர், ரோஹ்தக், பிஹானி, ஜஜார், குருகுரம், பாக்தாத், மீரட் & காஜியாபாத் உள்ளிட்ட பல்வேறு பகுதிகளிலும் புழுதி புயல் தாக்கியுள்ளது.



இந்த புயலானது மணிக்கு 70 கிலோமீட்டர் வேகத்தில் நள்ளிரவு சுமார் 11.20 மணியளவில் தாக்கியது.
இதனை தொடர்ந்து டெல்லி, சண்டிகர், அரியானா மாநிலங்களில் இடி, மின்னலுடன் கூடிய பலத்த மழை பெய்தது. டெல்லியில் பல இடங்களில் இடியுடன் கூடிய பலத்த மழை பெய்ததில் மரங்கள் முறிந்து விழுந்துள்ளன. மின்கம்பங்கள் சாய்ந்துள்ளதால், மின்சாரம் தடைப்பட்டுள்ளது. சாலையில் விழுந்துள்ள மரங்களை சரிசெய்யும் பணிகள் நடைபெற்று வருகிறது. போக்குவரத்து பாதிக்கப்பட்டுள்ளதால் மக்களில் இயல்பு வாழ்க்கை பாதிக்கப்பட்டுள்ளது.

20 மாநிலங்களில் மோசமான வானிலை நிலவக்கூடும் என இந்திய வானிலை ஆய்வு மையம் எச்சரிக்கை விடுத்துள்ளது. இதையடுத்து டெல்லியில் இன்று பள்ளிகளுக்கு விடுமுறை அளிக்கப்படுவதாக தெரிவிக்கப்பட்டுள்ளது. மணிக்கு 90 கி.மீட்டர் வேகத்தில் காற்று வீசக்கூடும் என்று எச்சரிக்கை விடுக்கப்பட்டுள்ளதால், மிகுந்த எச்சரிக்கையுடன் ரயில் இயக்கப்படும் என்று டெல்லி மெட்ரோ நிர்வாகம் தெரிவித்துள்ளது. 90 கி.மீட்டர் வேகத்திற்கு மேல் காற்று வீசினால், மெட்ரோ ரயில் சேவை நிறுத்திவைக்கப்படும் என்று டெல்லி மெட்ரோ ரயில் நிர்வாகம் அறிவித்துள்ளது. இதேபோல் ராஜஸ்தானில் மீண்டும் புழுதிப் புயல் தாக்கியதால் பொதுமக்கள் பாதிக்கப்பட்டுள்ளனர். தமிழ்நாடு, கேரளா ஆகிய மாநிலங்களில் ஒரு சில இடங்களிலும் இடியுடன் கூடிய மழை பெய்ய வாய்ப்பு உள்ளதாக இந்திய வானிலை ஆய்வு மையம் தெரிவித்துள்ளது.

0 Comments:

Post a comment

Dear Reader,

Enter Your Comments Here...

Categories

Blog Archive

Total Pageviews

Popular Posts

Recent Comments