பாலிடெக்னிக் டிப்ளமோ படித்து பணியில் இருப்பவர்கள், பகுதி நேர பிஇ படிப்பில் சேர விண்ணப்பிக்கலாம் என, தொழில்நுட்பக் கல்வி இயக்ககம் அறிவித்துள்ளது.
இதுதொடர்பாக, தொழில்நுட்பக் கல்வி இயக்குநர் பி.ரத்தினசாமி நேற்று வெளியிட்ட அறிவிப்பு: தொழில்நுட்பக் கல்வி இயக்ககத்தின் கட்டுப்பாட்டின் கீழ் இயங்கும் 6 அரசு பொறியியல் கல்லூரிகள் மற்றும் 2 அரசு உதவி பெறும் பொறியியல் கல்லூரிகளில், நடப்பு கல்வி ஆண்டில் (2026-27) பகுதி நேர பிஇ படிப்பில் சேர ஆன்லைனில் விண்ணப்பங்கள் வரவேற்கப்படுகின்றன.
பொறியியல் டிப்ளமோ படித்து வேலைவாய்ப்பு பெற்று ஓராண்டு பணிபுரிந்த அல்லது பணிபுரிந்து கொண்டிருப்போர் இதற்கு விண்ணப்பிக்க தகுதியுடையவர் ஆவர். அவர்கள் www.ptbe-tnea.com என்ற இணையதளத்தை பயன்படுத்தி ஆன்லைனில் விண்ணப்பிக்கலாம். தேவையான சான்றிதழ்களையும் பதிவேற்றம் செய்ய வேண்டும். பதிவு கட்டணம் ரூ.900. எஸ்சி, எஸ்டி வகுப்பினருக்கு ரூ.450 மட்டும்.
ஆன்லைனில் விண்ணப்பிக்க கடைசி நாள் ஜூலை 12-ம் தேதி. கூடுதல் விவரங்களை மேற்குறிப்பிட்ட இணைய தளத்தில் விரிவாக அறிந்து கொள்ளலாம். இவ்வாறு அவர் தெரிவித்துள்ளார்
0 Comments:
Post a Comment
Dear Reader,
Enter Your Comments Here...