காத்திருக்கும் 4ஜி சூறாவளி

          2 ஜியை விட 3 ஜியைப் பெரிய விஷயமாகக் சொல்லிக்கொண்டிருந்தனர். இதற்குள் 4 ஜி பற்றி பெரிய அளவில் எதிர்பார்ப்புகள் ஆரம்பமாகிவிட்டன. அநேகமாக எல்லா ஸ்மார்ட் போன் தயாரிப்பு நிறுவனங்களுமே 4 ஜி போன்களுக்கான திட்டத்தை வைத்திருக்கின்றன. மைக்ரோசாப்டின் லூமியா 638 போன் 4 ஜி வசதி கொண்டதாக அறிமுகமாகி உள்ளது.

           ஹுவேய் சார்பிலும் 4 ஜி போன்கள் அறிமுகமாக உள்ளன. செல்போன் சேவை நிறுவனங்களும் 4ஜி சேவையை அறிமுகம் செய்யத் தயாராகி வருகின்றன. இந்நிலையில் கன்சல்டன்சி நிறுவனமான பிடபிள்யுசி ( PwC) அடுத்த ஆண்டு இந்தியாவில் ஒன்னரைக் கோடி4 ஜி சந்தாதாரர்கள் இருப்பார்கள் எனக் கணித்துள்ளது. மேலும் இந்தியாவில் வை-பை மையங்களும் அதிகரிக்கும் என இதன் கணிப்பு தெரிவிக்கிறது. இதன் விளைவாகப் போட்டி அதிகரித்து விலை குறைப்பும் ஏற்படலாம் என்றும் தெரிவிக்கப்பட்டுள்ளது.