பிளஸ் 2 தேர்வு முடிவுகள் விரைவில் வெளியிடப்பட உள்ளதாக தகவல் வெளியாகியுள்ளது.
தமிழக பள்ளிக்கல்வியின் பாடத்திட்டத்தில் பிளஸ் 2 பொதுத்தேர்வு கடந்த மே மாதம் நடைபெறஇருந்தது. இந்நிலையில் கரோனா 2-வது அலை பரவலின் தீவிரம் காரணமாக பிளஸ் 2 தேர்வு ரத்துசெய்யப்பட்டு, மாணவர்கள் அனைவரும் தேர்ச்சி செய்யப்படுவதாக தமிழக அரசு அறிவித்தது.
இதையடுத்து 10, 11-ம் வகுப்புகளின் பொதுத்தேர்வு மதிப்பெண் மற்றும் பிளஸ் 2 செய்முறைத் தேர்வு அடிப்படையில் மாணவர்களுக்கு இறுதி மதிப்பெண் கணக்கிட்டு வழங்கப்படும் என பள்ளிக்கல்வித் துறை அறிவித்தது. தொடர்ந்துபிளஸ் 2 மாணவ, மாணவிகளுக்கான மதிப்பெண் பட்டியல் தயாரிப்பு பணிகள் மேற்கொள்ளப்பட்டு வந்தன.
இந்நிலையில் பிளஸ் 2 தேர்வு முடிவுகள் ஓரிரு நாட்களில் வெளியிடப்பட உள்ளதாக தகவல் வெளியாகியுள்ளது.
இதுகுறித்து தேர்வுத் துறை அதிகாரிகள் கூறியதாவது:
பிளஸ் 2 பொதுத்தேர்வு ரத்துசெய்யப்பட்டதை அடுத்து மாணவர்களின் 10, 11-ம் வகுப்பு பொதுத்தேர்வுகளில் 70 சதவீதம், 12-ம் வகுப்பு செய்முறைத் தேர்வில் 30 சதவீதம் என்றளவில் இறுதி மதிப்பெண் கணக்கிட்டு வழங்க முடிவானது.
பணிகள் முடிவடைந்தன
அதற்கேற்ப நடப்பாண்டு தேர்வெழுத விண்ணப்பித்த 8.6 லட்சம்மாணவர்களின் 10, 11 மற்றும் 12-ம் வகுப்பு மதிப்பெண் விவரங்கள் சேகரிக்கப்பட்டு இறுதி மதிப்பெண் கணக்கிடும் பணிகள் முடிந்துவிட்டன.
மாணவர்களின் மதிப்பெண்களை இணையதளத்தில் பதிவேற்றம் செய்யும் பணிகள் தற்போது நடைபெற்று வருகின்றன. தமிழக அரசின் ஒப்புதல் பெற்று பிளஸ் 2 தேர்வு முடிவுகள் விரைவில் வெளியிடப்படும்.
மேலும், 10, 12-ம் மாணவர்களுக்கான மதிப்பெண் சான்றிதழ்அச்சிடும் பணிகளை ஒரு வாரத்துக்குள் முடித்து, சான்றிதழ் வழங்கவும் முடிவு செய்துள்ளோம்.
இவ்வாறு அவர்கள் கூறினர்.
0 Comments:
Post a Comment
Dear Reader,
Enter Your Comments Here...